آئی ایس پی آر کے مطابق پاک فوج کے سربراہ جنرل قمر جاوید باجوہ نے پشاور کا دورہ کیا جہاں انھوں نے پشاور کور کے آڈیٹوریم میں طلبہ سے بات چیت کی۔
آرمی چیف جنرل قمر جاوید باجوہ نے اس موقع پر کہا کہ پی ٹی ایم بذات خود مسئلہ نہیں ہے، پی ٹی ایم کے چند لوگ غیروں کے ہاتھوں میں کھیل رہے ہیں۔
سربراہ پاک فوج کا کہنا تھا کہ بیرونی مدد لینے والے چند لوگ مقامی آبادی کے جذبات سے کھیل رہے ہیں۔
انھوں نے کہا کہ قوم اور مسلح افواج نے دہشت گردی کے خلاف جنگ میں کام یابیاں حاصل کیں، اب وقت ہے کہ اس کے ثمرات سماجی و اقتصادی ترقی کے ذریعے منتقل کیے جائیں۔
آرمی چیف نے مزید کہا کہ سماجی و اقتصادی ترقی میں تعلیم کا اہم کردار ہے، نوجوان قوم کا مستقبل ہیں اور پاکستان نوجوانوں کا ہے۔
یاد رہے کہ دو دن قبل آرمی چیف جنرل قمر جاوید باجوہ نے فرنٹیئر فورس رجمنٹل سینٹر ایبٹ آباد کا دورہ کیا تھا، انھوں نے یادگار شہدا پر حاضری دی، پھول چڑھائے، اور لیفٹیننٹ جنرل عامر عباسی کو کرنل کمانڈنٹ کے بیچ لگائے۔
Source:
https://urdu.arynews.tv/coas-visited-peshawar-cover-auditorium/
Global News 
Leave a comment