پاکستان نیوی کے لیے بنائے جانے والے 2300ٹن وزنی جنگی جہاز(کارویٹ)کی رومانیہ میں لانچنگ ہوئی۔ترجمان پاک بحریہ کے مطابق تقریب کے مہمان خصوصی پاک بحریہ کے چیف آف سٹاف (پرسنیل)وائس ایڈمرل عبدالعلیم تھے۔
کارویٹ درمیانے سائز اور وزن کے جہاز ہیں جو مختلف مقاصد کیلئے استعمال ہوتے ہیں۔ ترجمان پاک بحریہ کے مطابق پاک بحریہ کے جنگی بیڑے میں پہلے جہاز کی شمولیت اس سال کے آخر تک جبکہ دوسرا جہاز 2020کے وسط تک متوقع ہے۔ ان جہازوں کے پاک بحریہ کا حصہ بننے سیپاک بحریہ کی بحری سرحدوں کے دفاع کی صلاحیتوں میں مزید اضافہ ہوگا۔
وائس ایڈمرل عبدالعلیم نے کہا ہے کہ ان جہازوں کی شمولیت سے بحر ہند میں سکیورٹی کو یقینی بنانے کیلئے پاک بحریہ کے ریجنل میری ٹائم سکیورٹی پٹرول کے اقدام کو بھی تقویت حاصل ہوگی۔
ترجمان پاک بحریہ کے مطابق مہمان خصوصی نے جہازوں کی تیاری میں ڈامن شپ یارڈ کے تعاون اور پیشہ ورانہ صلاحیتوں کی تعریف کی۔
Global News 
Leave a comment