اسلام آباد: (24 مئی 2019) پاکستان نیوی وار کالج لاہور میں 48ویں پی این اسٹاف کورس کے کانووکیشن کا انعقاد۔ کانووکیشن کے مہمانِ خصوصی پاک بحریہ کے سربراہ ایڈمرل ظفر محمود عباسی کا گریجویٹنگ آفیسرز کو راست رویے اور انتھک محنت کو اپنا شعار بنانے کا مشورہ۔ کہتے ہیں پاک بحریہ پاکستان کی بحری سرحدوں کے دفاع کے لئے ہر لمحہ مستعد و تیار ہے۔
ترجمان پاک بحریہ کے مطابق پاک بحریہ کے 64جبکہ پاک آرمی کے 3اور پاک فضائیہ کے 5 آفیسرز نے ماسٹرز اِن وار اسٹڈیز کی ڈگریاں حاصل کیں۔ گریجویٹنگ آفیسرز میں 16دوست ممالک کے 23 غیرملکی آفیسرز بھی شامل تھے۔ جو پاکستان کے بین الاقوامی ممالک کے ساتھ اچھے تعلقات کا مظہر ہے۔
اڑتالیسویں پی این اسٹاف کورس کے کانووکیشن کے مہمانِ خصوصی پاک بحریہ کے سربراہ ایڈمرل ظفر محمود عباسی نے ڈگری حاصل کرنے والے تمام آفیسرز کو مبارک باد دیتے ہوئے انہیں راست رویے اور انتھک محنت کو اپنا شعاربنانے کا مشورہ دیا۔ نیول چیف نے اپنے خطاب میں جغرافیائی حکمت عملی اور خطے کی موجودہ صورتحال پر بھی روشنی ڈالی۔ ان کا کہنا تھا کہ مسلمانوں کو ہمیشہ عددی لحاظ سے بڑے دشمن کے خلاف کامیابی اللہ پر یقین کامل اور پختہ ایمان کے باعث حاصل ہوئی۔ پاک بحریہ پاکستان کی بحری سرحدوں کے دفاع کے لئے ہرلمحہ مستعد و تیارہے۔
Source: http://urdu.abbtakk.tv/pakistan-navy-war-college-convocation-240519/
Global News 
Leave a comment