Global News

مقامی پولیس کے مطابق فائرنگ کا واقعہ ون فائیو آفس کے قریب پیش آیا، جہاں نامعلوم افراد نے کچہری جانے والے سابق صدر سمندری بار غضنفروڑائچ ایڈووکیٹ نے اندھا دھند فائرنگ کی،جس کے نتیجے میں وہ شدید زخمی ہوئے ، واقعے کے بعد ملزمان فرارہو نے میں کامیاب ہو گئے۔

غضنفروڑائچ ایڈووکیٹ کو شدید زخمی حالت میں اسپتال منتقل کیا گیا، جہاں وہ دوران علاج دم توڑ گئے،غضنفر علی وڑائچ سمندری بار کے سینئر وکیل تھے۔

واقعے کے بعد ڈسٹرکٹ بار ایسو سی ایشن نےغضنفر وڑائچ کے قتل کی شدید الفاظ میں مذمت کرتے ہوئے پورے فیصل آباد میں احتجاج اور ہڑتال کا اعلان کیا ہے، ڈی بی اے کا کہنا ہے کہ آج وکلا آج عدالتی امور کا بائیکاٹ کریں گے اور عدالتوں میں پیش نہیں ہونگے

Source: http://urdu.abbtakk.tv/%D8%B3%D8%A7%D8%A8%D9%82-%D8%B5%D8%AF%D8%B1-%D8%B3%D9%85%D9%86%D8%AF%D8%B1%DB%8C-%D8%A8%D8%A7%D8%B1-%D8%A7%DB%8C%D8%B3%D9%88%D8%B3%DB%8C-%D8%A7%DB%8C%D8%B4%D9%86-%D9%86%D8%A7%D9%85%D8%B9%D9%84%D9%88/