کورونا وائرس کی وجہ سے سندھ کے تعلیمی اداروں کی مسلسل بندش پر طلباء وطالبات کا تعلیمی سال بچانے کے لیے کیمبرج ایجوکیشن سسٹم سے منسلک کراچی کے نجی کالجز نے آج سے آن لائن کلاسز کا آغاز کردیا ہے۔
کراچی میں اے لیول کے کالجز سیڈر، نکسر اور لائسیم نے اس سلسلے میں پہل کی ہے۔ اینڈرائڈ اور ایپل موبائل فونز، آئی پیڈز، لیپ ٹاپس اور کمپیوٹر پر طلباء و طالبات کو آن لائن کلاسز کی سہولت فراہم کی گئی ہے۔
سیل فونز پر “زوم” نامی ایپ کے ذریعے طلباء و طالبات گھر بیٹھ کر لائیو اپنی ٹیچر سے اپنے ہی کلاس روم میں لیکچر میں شرکت کرتے ہیں۔ ہر طالب علم کو اس کے اسکول اور کلاس کا کوڈ فراہم کیا گیا ہے۔
ایپ میں لاگن ہونے کیلئے مطلوبہ خانہ پر کر کے پاس ورڈ یا کوڈ انٹر کرنے سے طالبعلم کلاس کے مقررہ وقت پر ٹیچر سے آن لائن ہو جاتا ہے۔ اسٹوڈنٹس اپنی ڈیوائس کا مائیک اور کیمرہ بند کر کے کلاس میں شرکت کر سکتے ہیں۔
لیکچر کے دوران ٹیچر اسکرین پر طلباء و طالبات کو سمجھا بھی رہا ہوتا ہے۔ اسٹوڈنٹ کو کوئی سوال پوچھنا ہو تو “ریز یوآر ہینڈ” کے آپشن میں جاکر تحریری طور پر لکھ سکتا ہے۔ یہی نہیں متعلقہ لیکچر سے متعلق ٹیچنگ میٹیریل اور نوٹس طالبعلم کو ای میل کئے جاتے ہیں۔
آن لائن لیکچر کے دوران اسٹوڈنٹ کی حاضری بھی مانیٹر کی جاتی ہے۔ کون کون طالبعلم لیکچر میں حاضر ہے؟ موڈریٹرز اس دوران کلاس میں موجود ہوتے ہیں جو آن لائن اٹینڈنس چیک کرتے ہیں۔
والدین کی جانب سے نجی تعلیمی اداروں کی جانب سے اس اقدام کو سراہا جارہا ہے۔
Global News 
Leave a comment